ეკონომიკა ბიზნესი

თბილისი (BPI) – რამოდენიმე დღის წინ გაიმართა ქართულ ენაზე თარგმნილი წიგნის ,,გლობალიზაცია და მისი თანმდევი უკმაყოფილება“ პრეზენტაცია. პირველად წიგნი 2002 წელს გამოიცა და გლობალიზაციის გარშემო მიმდინარე დებატებზე განსაკუთრებული გავლენა იქონია. მას შემდეგ იგი რამოდენიმე ენაზე ითარგმნა. წიგნში განხილულია საერთაშორისო საფინანსო ინსტიტუტების საქმიანობა და საქმიანობის შედეგები განვითარებად ქვეყნებში. საუბარია რეკომენდაციებზე, რომლებიც საერთაშორისო საფინანსო ინსტიტუტებს უფრო ეფექტურსა და გამჭვირვალეს გახდიდა.

დაწვრილებით: გლობალიზაცია და მისი თანმდევი უკმაყოფილება

(მომზადებულია ეროვნული ბანკის ინფორმაციის მიხედვით)

მონეტარული პოლიტიკა

თბილისი (BPI) - საქართველოს ეროვნული ბანკი თავის საქმიანობაში დამოუკიდებელია საკანონმდებლო და აღმასრულებელი ორგანოებისაგან, "საქართველოს ეროვნული ბანკის შესახებ" საქართველოს ორგანული კანონით მინიჭებული უფლებების ფარგლებში. ფულად-საკრედიტო და სავალუტო პოლიტიკის განხორციელებისას იგი ასევე ხელმძღვანელობს "ფულად-საკრედიტო და სავალუტო პოლიტიკის ძირითადი მიმართულებებით", რომელიც ყოველწლიურად მტკიცდება საქართველოს პარლამენტის დადგენილებით.

დაწვრილებით: საქართველოს მონეტარული პოლიტიკა

გიორგი აბაშიშვილი
(გამოქვეყნებულია ჟურნალ ტაბულაში)

თბილისი (BPI) - ვაჭრობის მსოფლიო ორგანიზაციაში რუსეთის გაწევრიანების შემდეგ საქართველოსა და რუსეთის საზღვარზე მონიტორინგს სავარაუდოდ შვეიცარიული კომპანია SGS-ი განახორციელებს. ამ ინფორმაციას გამოცემა - Le Temps შვეიცარიულ მხარეზე დაყრდნობით აქვეყნებს. როგორც გამოცემა - Le Temps აღნიშნავს, საკმაოდ რთული მოლაპარაკებების შემდეგ, შვეიცარიის შუამავლობით, რუსეთსა და საქართველოს შორის გარკვეული კომპრომისი შედგა: გამოცხადდება ტენდერი, რომელშიც მონაწილეობას კომპანია SGS-ი მიიღებს.

საქართველომ საკუთარი ეკონომიკური საზღვრების ფაქტობრივი კონტროლი 2004 წლიდან დაიწყო. დამოუკიდებლობის მოპოვებიდან 2004 წლამდე საქართველოს საბაჟო გამშვებ პუნქტებს ფაქტობრივად სიმბოლური და ამასთან, სერიოზული კორუფციული დატვირთვა ჰქონდა. საქართველოს პოზიცია ყოველთვის უცვლელი იყო: ქვეყანა რუსეთის მსოფლიო სავაჭრო ორგანიზაციაში გაწევრიანების სანაცვლოდ, დროებით უკონტროლო საბაჟო გამშვები პუნქტების კონტროლის შესაძლებლობას მუდმივად ითხოვდა. შესაბამისად, 2008 წლამდე ქართული მხარის მიერ რუსული მხარისათვის წაყენებული მოთხოვნები რუსეთ-საქართველოს ომის შემდგომ მოთხოვნებისგან არაფრით განსხვავდებოდა. ერთადერთი განსხვავება ის იყო, რომ 2008 წლის შემდეგ რუსეთი გამოუვალ სიტუაციაში აღმოჩნდა: მსოფლიო სავაჭრო ორგანიზაციაში გაწევრიანების სანაცვლოდ მას პირდაპირ თუ ირიბად აუცილებლად მოუწევდა ”დამოუკიდებლად აღიარებულ ტერიტორიებზე” საქართველოს პრეტენზიები ლეგიტიმურად ეცნო და თავის მიერ დეკლარირებული ოკუპირებული ტერიტორიების აღიარების პოლიტიკის მართებულება პირველ რიგში თვითონვე დაეყენებინა ეჭვქვეშ. ბუნებრივია, რომ შექმნილი ვითარებიდან რუსეთისთვის ერთადერთი გამოსავალი ეკონომიკური საკითხის პოლიტიზირება იყო.

შვეიცარული მხარის შუამდგომლობით, რუსეთ-საქართველოს საზღვარზე განლაგდებიან არა ქართველი მესაზღვრეები, არამედ, სავარაუდოდ, შვეიცარული კომპანია SGS-ის წარმომადგენლები, რომლებიც ოკუპირებულ ტერიტორიებსა და რუსეთის საზღვარს შორის ტვირთბრუნვის შესახებ ინფორმაციას ქართულ მხარეს მიაწვდიან.

კომპანია SGS მსოფლიოში უმსხვილესი კომპანიაა ინსპექტირების, ტესტირების, შემოწმებისა და სერთიფიცირების მიმართულებით.  ამჟამად, კომპანიის 1250 ოფისსა და ლაბორატორიაში 67 ათასზე მეტი ადამიანია დასაქმებული. კომპანიის ისტორია 1878 წლიდან იწყება. მრავალ საინტერესო სერვისთან ერთად კომპანია SGS-ის ერთ-ერთი მიმართულებაა სავაჭრო ინფორმაციების შექმნა, დამუშავება და გადამოწმება.

კომპანია SGS-ი 1999 წელს მონაწილეობდა ტენდერში, რომელიც საქართველოს მთავრობამ საბაჟოზე წინასაიმპროტო ინსპექტირებისთვის გამოაცხადა. სატენდერო კომისიას ყოფილი ფინანსთა მინისტრი დავით ონოფრიშვილი ხელმძღვანელობდა. ტენდერში SGS-ის კონკურენტი - ბრიტანული ITS-ი იყო. SGS-ის წარმომადგენლებმა ამ პროცესს მექრთამეობისა და კორუფციის კლასიკური ნიმუში უწოდეს.

ტენდერი ჩატარდა ორ ტურად. პირველი ტური, საგრძნობი უპირატესობით, შვეიცარულმა კომპანიამ მოიგო: იმ დროისათვის SGS-ს, ITS-თან შედარებით, სულ მცირე, მსოფლიოს სხვადასხვა ქვეყანაში 4-ჯერ მეტი ოფისი (ეს მნიშვნელოვანი უპირატესობაა წინასაიმპორტო მომსახურებისას)და 4-ჯერ მეტი ბრუნვა ჰქონდა. თუმცა მეორე ტურში კომისიამ პირველი ადგილი ბრიტანულ კომპანიას მიანიჭა. თავისი გადაწყვეტილება კი იმით ახსნა, რომ კომპანიამ ისეთი ვალდებულებები იკისრა, რომელთა აღებაც ვერავინ გარისკა. კერძოდ,  ITS კი იღებდა ვალდებულებას: ა) გაეზარდა საბაჟო შემოსავლები, შემდეგ ზღვრულ ოდენობამდე: 1999 წელს (სექტემბერ-დეკემბერში) - 85 მლნ აშშ დოლარამდე; 2000 წელს - 260 მლნ აშშ დოლარამდე; 2001 წლს - 312 მლნ აშშ დოლარამდე; ბ) საბაჟო სისტემის რეფორმის დაფინანსებასა და განხორციელებაზე - კომპანიას საბაჟო რეფორმირებისათვის წლის განმავლობაში 500 ათასი ლარი მაინც უნდა დაეხარჯა; გ) გაეწია პრაქტიკული დახმარება საბაჟო ორგანოებისათვის კონტრაბანდის წინააღმდეგ ბრძოლაში, მათ შორის დაექირავებინა კონსულტანტები საქართველოს მთავრობისთვის - ჯამში, ეს ციფრები და ზოგადად დაპირებები იმ პერიოდის ქართული რეალობისათვის საკმაოდ არადამაჯერებლად ჟღერდა.

გაჩნდა ეჭვი, რომ SGS-ის წინააღმდეგ, საქართველოს სახელმწიფო და ITS-ი ერთობლივად მოქმედებდნენ. საღი აზრით, საქართველოს მაშინდელ მთავრობასა და ITS-ს შორის მთავარი ინტერესი კორუფციული გარიგება უნდა ყოფილიყო.

დღეს სიტუაცია შეიცვალა. SGS-ს საქართველოში სამართლიანი თამაშის წესები ელოდება. მსოფლიო სავაჭრო ორგანიზაციაში რუსეთის გაწევრიანების მოტივით, მიმდინარე მოლაპარაკებების დროს კი საქართველოს მთავრობამ მნიშვნელოვან მიზანს მიაღწია - ქვეყნის ეკონომიკურ საზღვარზე მალე სრულ კონტროლს აღადგენს.

გიორგი აბაშიშვილი
(გამოქვეყნებულია ჟურნალ ტაბულაში)

თბილისი (BPI) - ვაჭრობის მსოფლიო ორგანიზაციაში რუსეთის გაწევრიანების შემდეგ საქართველოსა და რუსეთის საზღვარზე მონიტორინგს სავარაუდოდ შვეიცარიული კომპანია SGS-ი განახორციელებს. ამ ინფორმაციას გამოცემა - Le Temps შვეიცარიულ მხარეზე დაყრდნობით აქვეყნებს. როგორც გამოცემა - Le Temps აღნიშნავს, საკმაოდ რთული მოლაპარაკებების შემდეგ, შვეიცარიის შუამავლობით, რუსეთსა და საქართველოს შორის გარკვეული კომპრომისი შედგა: გამოცხადდება ტენდერი, რომელშიც მონაწილეობას კომპანია SGS-ი მიიღებს.

დაწვრილებით: საზღვარს შვეიცარიული კომპანია გააკონტროლებს