თბილისი (BPI) - რაში შეეძლო გამოეყენებინა უკრაინის მთავრობას ევრო-2012-ის ჩასატარებლად დახარჯული მილიონები? - ამ კითხვას უკრაინული გამოცემა „ТЕКСТИ“ სვამს და თავადვე სცემს პასუხს. ამ თანხებით შეიძლებოდა ერთი გლობალური პროექტის დაფინანსება, მაგალითად უკრაინის არმიის შეიარაღება ან საბავშვო ბაღების მშენებლობა.

ასევე ამ მილიონებით შეიძლებოდა 3 წლის განმავლობაში უკრაინის ყველა ექიმისთვის თვეში 6800 გრივნის გადახდა.

გამოცემა გვთავაზობს კვლევის შედეგებს იმასთან დაკავშირებით თუ რაში შეიძლებოდა გამოეყენებინა უკრაინის მთავრობას 51,116 მილიარდი გრივნა, დახარჯული ევრო 2012-ზე:

2045 საბავშვო ბაღის გახსნა;

3408 ბიბლიოთეკა;

153502 ამბულატორია;

ტვირთის 48-ჯერ მიტანა საერთაშორისო კოსმოსურ სადგურზე, რაკეტა Falcon9-ზე;

პენსიონერებისთვის პენსიის გაზრდა 3 წლით, 103 გრივნით;

დეკრეტული ანაზღაურებების 2823 გრივნით გაზრდა 3 წლის განმავლობაში;

1278 ახალი ჭაბურღილის აშენება ბუნებრივი აირის მოსაპოვებლად;

256 მაღალტექნოლოგიური ინდუსტრიის ამუშავება;

მცირე ბიზნესისთვის 1 022 320 კრედიტის გაცემა, 50 ათასი გრივნის ოდენობით.