თბილისი (BPI) -  სახელმწიფო ბიუჯეტის შემოსავლებმა 2012 წლის იანვარ-აპრილში 2,195 მლრდ ლარი შეადგინა. 

"საქსტატის" მონაცემებით, ამ პერიოდში ყველაზე მეტად შემოსავლების მაჩვენებელი მარტში გაიზარდა, თუკი ბიუჯეტის მთლიანი შემოსავლებიდან იანვარზე 559,4 მლნ ლარის მოდიოდა, ხოლო თებერვალზე 404,3 მლნ ლარი, მარტში ამ მაჩვენებელმა უკვე 714,3 მლნ ლარს მიაღწია, აპრილში ბიუჯეტმა შემოსავლების სახით 517 მლნ ლარი მიიღო.

ბიუჯეტის ხარჯებმა 2012 წლის იანვარ-აპრილში 1,979 მლრდ ლარი შეადგინა, აქედან 456,1 მლნ ლარი იანვარზე მოდის, 474,7 მლნ ლარი - თებერვალზე, 500,3 მლნ ლარი - მარტზე, 547,7 მლნ ლარი - აპრილზე.

სახელმწიფო ბიუჯეტის შემოსავლებმა 2011 წლის იანვარ-აპრილში 2,143 მლრდ ლარი შეადგინა, ხარჯებმა - 1,852 მლრდ ლარი შეადგინა.

სახელმწიფო ბიუჯეტის შემოსავლებმა 2011 წელს 6,442 მლრდ, ხოლო ხარჯებმა 6,004 მლრდ ლარი შეადგინა.