თბილისი (BPI) – სემ უოლტონი - ცნობილი ამერიკელი ბიზნესმენი, Wall-Mart-ის მაღაზიის დამფუძნებელი, ქსელის, რომელიც ამჟამად უმდიდრესი და უდიდესი სავაჭრო ქსელია მსოფლიოში. ჟურნალი Forbes-ის 1992 წლის მონაცემებით (სემ უოლტონი 1992 წელს გარდაიცვალა) მის მფლობელობაში 58,6 მილიარდი დოლარი შედიოდა.

„მე გამოვცადე პატარა გაკვეთილი, რამაც დღეს ამერიკის მთელი საცალო სავაჭრო სისტემა შეცვალა. მაგალითად ვიყიდე საქონელი 0,80 დოლარად, თუ გავყიდი 1 დოლარად, 3-ჯერ მეტს გავყიდი ვიდრე 1,20 დოლარად გაყიდვის შემთხვევაში. ამით შესაძლოა მოკლევადიან პერიოდში მოგება შემცირებულიყო, მაგრამ გრძელვადიან პერიოდში წარმოების მოცულობა და შესაბამისად მოგებაც მნიშვნელოვნად გაიზარდა.“

„წარმატებული საცალო ვაჭრობის საიდუმლო იმაშია, რომ მომხმარებელს შესთავაზო ის რაც მას სურს.“

„კაპიტალის სიმცირე, დეფიციტი - ეს არ არის პრობლემა, პრობლემა ადამიანის ზოგად ხედვაშია.“

„დიდი მოლოდინი - წარმატების გასაღები.“

„არსებობს მხოლოდ ერთი ხელმძღვანელი - მომხმარებელი. მას შეუძლია ნებისმიერი თანამშრომლის კომპანიიდან დათხოვნა, უბრალო გამყიდველით დაწყებული, მმართველით დამთავრებული, მარტივი გზით - თუ გადაწყვეტს ფული დახარჯოს სხვა ნებისმიერ ადგილზე.“

„ჩვენ ვმუშაობთ ერთად. ამაშია ჩვენი საიდუმლო.“

„გამოჩენილი და წარმატებული ლიდერები ცდილობენ თანამშრომლების თვითშეფასების ხარისხის ამაღლებას. თუ ადამიანი თავდაჯერებულია, აქვს საკუთარი თავის რწმენა, ის შეძლებს უპრეცედენტო სიმაღლეების დაპყრობას.“

„ვერაფერი შეცვლის საქებარ სიტყვებს, თითქოს უფასოა - თუმცა რეალურად მილიონები ღირს“

„გააკეთეთ ისე, რომ ყველა დაინტერესდეს თქვენი შემდეგი ნაბიჯით, თქვენი მოქმედებები ნუ იქნება ადვილად განჭვრეტადი.“