თბილისი (BPI) -  8 მაისს, 14:00 საათზე, ბაზისბანკის სათაო ოფისში  საკრედიტო პროდუქტის პრეზენტაცია მოეწყობა. პრეზენტაციას  ბაზისბანკისა და შავი ზღვის ვაჭრობისა და განვითარების ბანკის წარმომადგენლები, ეროვნული ბანკის ვიცე-პრეზიდენტი ოთარ ნადარაია, ფინანსთა მინისტრის მოადგილე კონსტანტინე კინწურაშვილი, EBRD-ის წარმომადგენლი საქართველოში პოლ-ჰენრი ფორესტერი დაესწრებიან.

ცნობისთვის,  2 აპრილს ბაზისბანკსა და შავი ზღვის ვაჭრობისა და განვითარების ბანკს (BSTDB) შორის ხელი მოეწერა ხელშეკრულებას 4 მილიონი აშშ დოლარის განახლებადი საკრედიტო ხაზის გამოყოფის თობაზე, ექსპორტიორებისა და იმპორტიორების ფინანსური მხარდაჭერის მიზნით. პროექტის მიზანია დაეხმაროს წევრ ქვეყნებს შორის ეკონომიკური და სავაჭრო ურთიერთობების გაღრმავებას.